Mladom bokserskom šampionu Konstantinu Došljaku (13) novogodišnja noć prekinuta je strašnim incidentom – ostao je bez dva prsta kada mu je petarda eksplodirala u ruci.
Sada želi da podijeli svoju priču kako se slična nesreća ne bi dogodila drugoj djeci.
Konstantin je rekao da ono što je on proživio ne bi poželio ni najgorem neprijatelju.
– Ja sam bio sa drugarom u kraju, šetali smo, a kod sebe sam imao male petarde koje su mi ostale od prije. Moji roditelji mi ne dozvoljavaju da koristim petarde i protiv su njih. Dok smo šetali, željeli smo da zapalimo jednu. Prišao je čovjek i pitao ko je bacio petardu, a zatim se zapitao zašto koristimo te male petarde. Pitali smo ga gdje smo ih kupili, i rekli smo da je to iz radnje – prisjetio se Konstantin za Pink TV.
Konstantinova priča postaje još više zastrašujuća. Nepoznati čovjek je pozvao njih dvojicu i svima im dao velike petarde od 9 grama baruta.
– Dao ih je mom drugu, meni, sebi, pa opet meni i njemu. Sve ukupno smo imali po dvije petarde. Zatim je rekao da bacimo jednu tu, što je prouzrokovalo jak prasak. Pozdravio se i otišao. Ja tog čovjeka viđam u kraju, ali ga ne poznajem lično – rekao je Konstantin.
“Bilo je puno krvi, nisam znao gdje mi je dio prsta”
Incident se dogodio kada su Konstantin i njegov drug odlučili da zapale petarde.
– Moj drug je ponio upaljač i upalili smo petarde. Meni se petarda upalila, pa ugasila, drugar je svoju bacio, a ja sam osjetio u ruci da nešto dimi. Gledam petardu kako gori, krenuo sam da je bacim ali je ona pukla, meni sve krv po faci bila…Ja sam osjetio kao malo da ne vidim, ostalo je to mutno…Onda su otišli djelići prsta, domali i mali – prisjetio je Konstantin i dodao:
– Žena nam je sa terase bacila led da stavim deo prsta. Bilo je puno krvi…Nisam znao gdje mi je dio prsta, našli smo i stavili u kesu. Onda sam razmišljao da li da zovem pomoć ili da idem kući – ispričao je Konstantin, prenosi Blic.
