Na današnji dan, prije tačno 16 godina, Slobodan Milošević, bivši predsjednik Savezne Republike Јugoslavije i Srbije, izručen je Haškom tribunalu pod optužbom za zločine počinjene protiv čovječnosti u ratovima na prostoru bivše Јugoslavije. Simbolično, Milošević je u Hag izručen na Vidovdan.
Milošević je uhapšen u vili na Dedinju, 1. aprila 2001. godine, poslije višednevnog odbijanja da se odazove sudskom pozivu zbog zloupotrebe službenog položaja. Imao je garancije da neće biti predat nekom stranom sudu, to se upravo dogodilo i on je bio svjestan da će se to desiti. Tribunalu u Hagu izručen je na Vidovdan, 28. juna 2001. na osnovu Uredbe Vlade Srbije.
Taj datum, 28. jun, za Srbe nije samo vjerski praznik, već je protkan istorijskom simbolikom koja se gradila stoljećima. Upravo je na Vidovdan prilikom proslave 600 godina Kosovske bitke 1989. Milođević održao čuveni govor na Gazimestanu. Počevši od Kosovskog boja, preko Sarajevskog atentata i izručenja Miloševića, do donošenja odluke Evropske unije o početku pregovora sa Srbijom. Na Vidovdan je potpisana i tajna konvencija između Kneževine Srbije i Austro-Ugarske carevine 1881, donijet je Vidovdanski ustav 1921. i rezolucija Informbiroa 1948. godine.
Pokojni premijer Zoran Đinđić, nakon hapšenja, javnost je na vanrednoj konferenciji za novinare obavestio o izručenju Slobodana Miloševića.
Nešto kasnije te večeri, tadašnja portparolka Tužilaštva Haškog tribunala Florans Artman potvrdila je da je bivši predsjednik SRЈ stigao u Holandiju i da je odmah prebačen u pritvorsku jedinicu u Sheveningenu.
Miloševićevo izručenje Hagu bio je prvi ozbiljniji sukob tadašnjeg premijera Zorana Đinđića sa predsjednikom SRЈ Vojislavom Koštunicom.
